Bya Ritah Kemigisa, Ivan Ssenabulya ne Prosy Kisakye
Ssabawandiisi wekibiina kyamawanga amagatte Antonio Guterres, asabye abantu mu nsi yonna okuyimiriranga kulwa banamawulire, okulwanirira eddembe lyabwe kubanga emirmu gyabwe mpagi yam,aanyi mu kuzimba egwanga.
Mu bubaka bwe eri ensi mu kukuza olunnaku lwabanamwulire olwaleero, Guterres agambye nti okunyigiriza nokunafuya emirmu gyamawulire, abantu babulijjo bebolekedde okuksebwa okusinga.
Agambye nti amawulire getagaisa nnyo ensi okusobola okubaamu emirembe, obwenkanya, eddembe lyobuntu nokutuuka ku bnkulakulana eyanamaddala.
Emikolo gyomwaka guno givugidde ku mubala, okukuza emirimu gyamawulire okuyita mu kusaawo okulonda okwamazima nobwenkanya nokuteeka abakulembeze ku nninga ku byebatekeddwa okukola.
Okusinziira ku bibalo okuva mu kitongole kya UNESCO, banamwulire abali 100 bebattibwa mu 2018, nga nabalala bali mu makomera.
Ate abalondoozi bebyokulonda Citizens’ Coalition for Electoral Democracy in Uganda, balaze okutya ku mbeera banamwulire gyebakoleramun mu gwanga.
Omukwanaganya wemirmu mu kitongole kino Crispy Kaheru anokoddeyo emiziziko mu kumanya nokufuna amawulire gebetaaga, okutulugunyzibwa nebirala, byagamba nti bikosa emirmu.
Wano asabye gavumenti okutekamu amaanyi okumalawo okusomozebwa kuno, ate nabamwulire benyini okusitukiramu okulwanyisa amawulire agobulimba agabunyisibw amu bantu
Kati twogedeko ne banamwulire, wabulanga abasinga, bemulugunya.
Bagamba nti batulugunyizibwa naye ne bwebadukira mu wifiisi zekikwatako, tebayambibwa okujjako okubagobaganya.