Abayizi babiri okuva ku ttendekero lya Mukuju Core Primary Teachers College bafudde oluvanyuma lw’okulya Chapati ezirimu obutwa.
Abalala bana bali bubi mu ddwaliro lya Tororo.
Abatwala essomero lino bategeezezza nga John Opera ne Patrick Owori bwebalidde Chapati ezigambibwa okuba nga birimu obutwa.
Akulira essomero lino agambye nti abayizi abakoseddwa babadde babadde bafulumyeemu oluvanyuma lw’okusoma kyokka nga oluvanyuma batandise okulumwa embuto n’emiwe ekyeralikirizza bannaabwe
Atwala eddwaliro lye Tororo Dr. Tom Ochar agambye nti ababiri abafudde emitima gyaabwe gibadde gikuba nnyo nga bava n’omusaayi mu nyindo ne mu matu era nga munda mwonna babadde bayidde.
Aduumira poliisi ye Tororo Robert Katuramu agambye nti n’omutunzi wa chapatti yenyini ali ku kitanda kko n’owa bodaboda oluvanyuma lw’okulya chapatti zino.
