Bya Juliet Nalwooga,
Akulira ebikwekweto bya poliisi mu ggwanga lyonna, Edward Ochom alagidde abaddumizi ba poliisi okwetoloola eggwanga okudamu okuteeka amaanyi mu kukwasisa ebiragiro ebitangira ekirwadde kya covid-19 okusasaana.
Okusinzira ku minisitule eyebyobulamu abantu 359 bebakava mu bulamu bwensi eno bukya kirwadde kirumba eggwanga nga neyakasembayo okufa musirikale wa poliisi SP Mathius Turyasingura abadde Dpc wa poliisi Kiira road.
Mu kwogerako ne bannamawulire ku kitebe kya poliisi e Naguru, Ochom agambye nti okusinzira embeera nga bweri mu ggwanga sibakuutira muntu yenna kuliiso analemererwa okugoberera ebiragiro.
