Bya Mbogo Sadat
Ekirwadde ekikambwe kirumbye disitulikiti y’e Butambala nga kati abatuuze basattira.
Okusinziira ku ssentebe w’ekyalo Nsozibbirye mu ggombolola y’e Kalamba, Siraje Kamulegeya, ekirwadde kikwata baana bato ng’abawala kibaziba amakubo gaabwe mu bitundu eby’ekyama ate abalenzi nga bizimba ssaako n’okutangaala kyokka nga bibaluma nnyo.
Kisinze kw’eyolekera mu ggombolola y’e Kalamba era omu ku bakirozezaako obukambwe bwakyo Madiina Namukwaya, 36, ategeezezza nti kyalumbye abaanabe Sophia Nakabuye, 3 ne Jibril Ssekiranda, ow’emyezi etaano.
Ekyewunyisa bwe batwaliddwa mu ddwaliro ekkulu ery’ekitundu e Gombe, abasawo bakabatemye nti tebalina kye bamanyi ku bulwadde buno bwebatyo ne babasindika e Kampala b’ekebejjebwe ekirwadde kino.
