Kyaddaaki poliisi ye Kalungu ezudde enkalala z’ekibiina kya NRM ezigambibwa okuba nti zabibwa kuva mu ofiisi ya NRM.
Enkalala zino 3 zisangiddwa mu maka ga Daniel Sejjoba’ ku kyalo Kiwesa mu disitulikiti ye Kalungu.
Enkalala ezizuliddwa zibadde za kyalo kye Kansamba, Muwomya ne Kasenyi.Ku mande poliisi yakutte Kristopher Mulindwa nga ono muwandiisi wa kibiina ssaako Daniel Sejjoba kansala w’ekituindu.
Ababiri bano bavunanibwa kubba nkalala zino n’ekigendererwa eky’okuziwa eyali ssabaminisita w’eggwanga Amama Mbabazi
Okunonyereza okwasoose kwalaze nga Mulindwa ne Ssejoba bwebekobaana nebayingira ofiisi z’ekibiina ku gombolola nebabbamu enkalala zino.
Aduumira poliisi ye Kalungu Abudulatif Zzake agamba oluvanyuma lw’okumala ennaku mu kaduukulu Ssejoba y’akkirizza okubba enkalala zino n’azikweka mu makage.
