Abalwanirizi b’eddembe ly’obuntu basimbye nakakongo nti etteeka ly’ebisiyaga teryetagisa.
Kino kiddiridde ababaka okutandika okukungaanya emikono okuddamu okuyisa etteeka eddala oluvanyuma lw’eryasooka kkooti etaputa ssemateeka okuligoba nti ababaka baali tebawera okuliyisa.
Abalwanirizi b’eddembe bano bagamba singa etteeka lino liddamu okuyisibwa mu mbeera gyerilimu,lyakusattirira eddembe ly’obuntu.
Omukwanaganya w’ekibiina kya Human rights network, Mohammed Ndifuna agamba tebeetaaga tteekalino.
Etteeka lino liragira omuntu okusibwa mayisa singa mwetobekamu okukabasanya abaana abatanetuuka.
