Bya Emmanuel Ainebyona.
Ekitongole ekiwooza ekya URA kyenyudde nekikyusa ekirowoozo ku ky’okuteeka omusolo ku bitabo ebituvu okuli bible ne Quran, nga kaakano bategeezeza nti okutandika n’omwaka gw’ebyensimbi ogujja ebitabo bino tebigenda kuddamu kuwa VAT abadde alina okubigibwako.
Kinajukirwa nti eggulo Daily monitor yakoze eggulire nga liraga nga bano bwebebasazeewo okusolooza omusolo ku bitabo bino, kyoka kino nekinyiiza nyo abanadiini.
Kati ekiwandiiko kyetufunye okuva eri amyuka akola ku by’amawulire mu kitongole kino Vincent Seruma kiraga nga ekirowoozo kino bwekigidwaawo.
Ono agamba nti ebitabo bino bikola emirimo ebiri okuli okulyowa emyoyo, kko n’okusomesa abayizi mu masomero, kale bigwana kuteeka mutuluba lyabyo.
Ono agamba nti eteeka eririwo libadde lisolooza omusolo guno ku bitabo bino gwa bitundu 18% nga VAT, wabula kati kino bakijeewo okutandika nomwaka gwebyensimbi ogujja.