Bya Juliet Nalwooga
Abalwanirizi be’ddembe ly’obuntu, wansi womukago gwa Alliance for food sovereignty in Africa balaze okutya olwengeri gavumenti gyerbika ngebyendya ebyesambye.
Kino bagamba nti kibaddewo nnyo mu biseera byekirwadde kya ssenyiga omukambwe, ngessira okusinga babadde balitadde ku COVID-19 ate neberabira ebirala.
Omukago guno gwegattiramu ebibiina byobwankayewa 50 ebitakabanira ensonga zendya ne’mmere.
Bweyabadde ngayogerako naffe, awo ku musomo ogubadde ogwokukubaganya ebirowoozo ogwasokedde ddala ogwa National Food Policy mu Kampala, Stella Lutalo, omukwanaganya wemirimu mu kitongole kya Participatory Ecological Land Use Management oba (PELUM) Uganda agambye nti gavumenti ebaddemu okulagajjala.
Lutalo agambye nti bazze bakubiriza abanatu okwambala mas, wabula ebyendya agambye nti bbo zebayita mask ezomunda oba “Inner face masks” nebabilagajjalira.
