Bya Ritah Kemigisa, Damalie Mukhaye ne Prosy Kisakye
Minisita owebyenjigiriza nemizannyo Janet kataaha Museveni okwegugunga ku ttendekero e Makerere akitadde ku nguzi, mu bantu abamu bagamba nti bebaseesa mu mbeera eno okusobola okuyisaawo ebigendererwa byabwe ngabantu.
Mu bbaluwa gyawandiise olwaleero, Kataaha Museveni agambye nti okwekalakaasa kuno tekwetagisa kubanga abayizi bennyini betaba mu ntekateeka yokuyisa enyongeza eyebitundu 15 % ku bisale, ate bennyini gyebawakanya.
Wano agerageranyizza ensimbi abayizi be Makerere zebasasula ku balala abali mu matendekero agaobwnanayini, ngaba UUCU nagamba nti kunaaba kukaabya kyejo oba nokwagala okuyisaawo ebigendererwa ebyabwe.
Mungeri yeemu obunkenke bweyongedde ku ttendekero e Makerere, wakati mu kegugungo kabayizi akayinyinyitidde.
Eno abayizi bawkanya enyongeza eyebitundu 15% ku bisale.
Poliisi olwaleero ekuby amasasai nomukka ogubalagla okugumbulula abayizi, nekwata ne banamwulire abemikutu egyenjawulo okuli naba ekubye BBC.
Ate mungeri yeemu ssenkaggale wekibiina kya DP Norbert Mao asabye omukulembeze w egwanga Yoweri K. Museveni okugoba omumyuka wa ssenkulu ku ttendekero lye Makerere olwokulemererwa agamba okutekawo obukulembeze obulungi.
Bino Mao abitegezezza banamaulire, ngagambye nti bannayUganda, baali basubidde bingi mu prof. Banbaas Nawangwe, okutereeza ettendekero ekkulu mu gwanga wabulanga kimulemye, ayongedde kwonoona.
Bino webijidde ngokwekalakaasa e Makerere kuli mu wiiki eyokubiri.
