Bya Malikh Fahad
Laddu ekubye omuntu omu nemuttirawo, nabalala 2 nebabuuka nebisago ebyamanyi.
Bino bibadde ku kyalo Bituntu mu gombolola ye Matete mu district ye Sembabule.
Pascal Waswa yafiridde mu njega eno, atenga abalumiziddwa kuliko John Ssemanda ne Paul Mugerwa ng bano bakubiddwa ekiti okuva ku luggi, laddu bwekubye ennyumba mwebabadde.
Abatuuze bagamba nti laddu esoose kukuba muti mu lugya negugwira waaya yengoye, ne nnyumba.
Atwala okunonyererza ku buzzi bwemisango ku poliisi ye Matete Samson Kityo, akaksizza enjega eno.
