Bya Prossy Kisakye,
Leero luyingidde olunaku olwokusatu nga babaka abanakiika mu palamenti eyomulundi ogwe 11 balayizibwa.
Wetugidde ku mpewo nga ababaka abasoba mu 80 bebakalayizibwa leero nga mu bano nómubaka wé
Budiope East era nga ye pulesidenti wa FUFA Moses Magogo.
Mu kwogerako ne bannamawulire oluvanyuma lwokukuba ebirayiro bye Magogo yeyamye okuvaayo ne tteeka erinayitimusa ebyemizannyo mu ggwanga lino.
Ate ye omubaka wa Buyaga East, Eric Musana naye olumaze okulayira asuuubiza nga bwagenda okufunira abatuuze be Kagadi amazzi amayonjo.
Katemba yeyolese mukulayiza ba kansala ku kitebe kya municipality ye Nansana oluvanyuma lweyegwanyazi ekifo kyobwa speaker wa municipality ye eno okulemererwa okukuba ebirayiro nasalawo kubijabulajabula.
Wasswa Daniel Tamale owa NRM nga mukiise wa Nasse ward kulukiiko lwa municipality ye Nansana yalemereddwa okukuba ebirayiro wabula nebakubira enduulu.
Wabula oluvanyuma wlokumala okulayira Wasswa Daniel Tamale ategezeza singa bamuwa obwa speaker wakutandikira mukumalawo entalo wadde ngokulayira kuganye era nasasira banne nga bwebalemedwa okulayira.
