KAMPALA
Bya Shamim Nateebwa
Kansala wa Lubya 1 ku munisipaali y’e Lubaga, Muhammad Ssentamu alaze obwennyamivu olw’abavubuka ababbi abatambulira mu bibinja abateegera abatuuze mu makubo ku makya n’olweggulo ne babanyagulula.
Ssentamu agamba nti basinga kuteegera ku luguudo lwa Kasubi-Masiro- Munaku- Lugala n’oluva ku Munaku okutuuka ku poliisi y’e Namungoona.
Mungeri yemu Ssentamu agugumbudde abakozi b’ekitongole ekivunaanyizibwa ku kuwandiisa abatuuze okufuna endaga muntu n’agamba nti basaba abatuuze ssente ez’enguzi ezisukkiridde nga batandikira ku mitwalo 3 okudda waggulu kyagamba nti kimenya mateeka.
