Bya Shamim Nateebwa ne Ritah Kemigisa
Bana-Uganda basabiddwa okukola obweyamu ku bwabwe okulwanyisa nokwewala ekirwadde kya kokolo.
Omulanga guno gukubiddwa minister omubeezi owebyobulamu Dr. Joyce Moriku Kaducu nga Uganda olwaleero yegatta ku nsi yonna, okukuza olunnaku lwa kokolo.
Kaducu agambye nti kisobokera ddala, okulwanyisa nokwewala kokolo, ngabantu bakyusa embeera yobulamu bwabwe.
Ayogedde ku kwewala okunywa omwenge okwewala okulya emmere embi, nokwettanira okulya ebibala ennyo.
Ategezeza nga 30% ku 50% abafa kokolo bwekisoboka okwewalika.
Emikolo gye gwanga emitongole egyolunnaku luno jigenda kukwatibwa, wali ku kisaawe kya KCCA e Lugogo.
Ate mungeri yeemu ministry yebyobulamu etegezeza, nga bwegenda okuteeka ssente eziwerako mu byobulamu, mu mwaka gwebyensimbi ogujja 2019/20.
Omuwandiisi owenkalakkalira mu ministry yebyobulamu Dr. Dianah Atwiine agambye nti amalwlairo 200 ku mutendera gwa Health Centre 11 gakusumusibwa, okudda ku Health Centre 111 mu gombolola ezenjawulo.
Agambye nti ono yoomu ku kawefube alubiridde okulongoosa obuwereza, ate nokubunyisbwa mu bantu.
