Bya Gertrude Mutyaba
Olwaleero obuganda bwegasse awamu okujaguza amazalaibwa ge Empologoma ya Buganda, Ssabasajja Kabaka Ronald Muwenda Mutebi 11, age 63.
Emikolo gino gikwatiddwa mu ssaza lya Beene erye Buddu e Vila Maria.
Omukolo gwetabiddwako namungi wo’muntu nabakungu mu bwakabaka bwa Buganda nemu gavumenti eya wakati saako abakulembeze abe nonno abalala okuva mu bitundu ebyenjawulo.
Omutanda yennyamidde olwekitta bantu ekiri mu gwanga naddala mu ssaza ly’eBuddu era naasaasira abo bonna abakoseddwa mu bijambiya.
Nnyinimu agambye nti abantu bangi baweddemu ensa nga kati bawamba abantu nebabaggyako ensimbi bwebamala nebabatuusaako obulabe, nga byonna bigwana bikome.
Namunswa olumaze nasaba abantu okwekolamu omulimo okukuuma ebitundu byabwe era naasaba gavumenti eveeyo bukubirire ezeewo obukiiko bwokubyalo.
Yye Katikkkiro wa Buganda Charles Peter Mayiga yetondedde banna Mawulire olw’abasirikale ababadde babayisa obubi wabula nabagumya nti ensonga zabwe zakukolebwako.
Ono abasabye okuloopanga ewuwe baleme kwemulugunyiza eri muntu mulala yenna.
