Bya Ivan Ssenabulya
Emmotoka ya magye ebadde ewenyuka obuweewo eyigiridde poliisi ye Mbalala kulwe Jinja e Mukono nga esigadde ku ttaka ekiwadde nabasibe omwaganya okutoloka.
Mmotoka namba H4DF1285 ebbade eva Kampala okudda e Jinja eremeredde omugoba waayo, netomera poliisi eno ngetukidde ku kasenge mwebasibira abasibe.
Kigambibwa nti mu kaddulu ka poliisi mubaddemu abasibe 5 ng’omu alumiziddwa, wabula abasigadde tebamanyikiddwako mayitire.
Okusinziira ku berabiddeko, omugoba we mmotoka eno abatuuze bebamutemyemu okuva mu mmotoka ebadde efufunyadde okumutaasa.
mungeri yeemu Poliisi eno egobeddwa mu kizimbe mwebadde yasenzebwa.
Mageni Chambers eyali yawa poliisi ettaka nekizimbe, oluvanyuma lwakabenje kano abalagidde okukwatamu ebyanguwa, kuba abadde yabakoowa dda.
Agamba nti bano tebakyafaayo ku kitundu naddala okutaasa abantu babulijjo, okujjako okukumanga aba-China abalina factory olwensimbi zebabafunamu.
Bano mu ndagaano gyebali bakola ne poliisi mu mwaka gwa 1997, agambye nti balina okumusasulanga emitwala 60 zagamba nti baludde nga tebazimuwa.
Yye RPC wa Kampala East Musani Arinyo, gwetusanze mu kitundu natwala poliisi eno Robert Okello bagaanye okubaako kyebogera.