Bya Prossy Kisakye,
Uganda yeyongedde okusereba mu lugendo lwókulwanyisa obuli bwe nguzi mu ggwanga.
Okusinzira ku alipoota efulumizidwa ekibiina kya transparency International, ekwata ku buli bwenguzi mu nsi yonna emanyiddwa nga 2020 Corruption Perception Index (CPI), Uganda efunye obubonero 27 mu kulwanyisa enguzi era nga ekutte ekifo kya 142 munsi yonna okuva 137 mweyali omwaka oguwedde
Eggwanga lya Denmark ne NewZealand gakutte kisooka mu kulwanyisa enguzi nobubonero 88 ate Syria-14, Somalia-12 ne South Sudan-12 gegasibye ekira
Bwabadde afulumya alipoota eno, senkulu w’ekibiina ki Transparency international, Peter Wandera, obuli bwenguzi obweyongedde mu ggwanga akitadde ku mivuyo egyetobese mu nkwata yénsimbi ezafulumizibwa mu kulwanyisa ekirwadde kya covid-19
Ono agamba nti Uganda yafunye ensimbi mpitirivu mu kulwanyisa ekirwadde kino okuva mu America, mu kitongole, USAID, ne International Monetary Fund ne birala wabula ensimbi zino nokutuusa kati teziweebwangako mbalirira ngógyeko minisitule yé byóbulamu eyavaayo ne laga engeri gye yasasanyamu ensimbi ezagiweebwa
