Amawulire

Ensonga z’amasanga ziranze

Ab’ekitongole ky’ebyebisolo by’omunsiko mu ggwanga bategezezza nga bwebali abetegefu okukolagana n’akakiiko akatereddwawo okunonyereza mu masanga agaabulankana okuva mu kitongole kino.

Akola nga akulira ekitongole kino  Raymond Engena ategezezza nga bwebatagenda kulemesa kunonyereza kwonna oluvanyuma lwaminisita w’eby’obulambuzi Maria Mutagamba okulagira abadde akulira ekitongole kino Dr Andrew Seguya okugira nga addako ebbali.

Engena ategezezza nga abanonyereza ku misango okuva mu poliisi bwebasuubirwa essaawa yonna ku kitongole kino era baakubawa obuyambi bwonna bwebetaaga.