Amawulire

Eby’omukozi bikutte ekkubo eddala- ebyasooka bifu

Omusango gw’omukozi eyatulugunya omwana wa mukamawe n’agukkiriza guzzemu obungodiila .

Omusango gwa Jolly Tumuhiirwe kati gujuluddwa okuva mu kkooti ya City hall ne gudda mu ya Buganda Road.

Omuwaabi wa gavumenti Miriam Njuki ategezezza nga fayilo y’omusango guno bweyasindikiddwa mu kkooti ya Buganda Road era wano  omulamuzi wa kkooti ya City hall Moses Nabende  ataddewo nga 15 December omwaka guno  okuddamu okuwulira omusango guno.

Tumuhiirwe omusango y’agukkiriza ku Mande n’asaba bazadde b’omwana bamusonyiwe nga kwogasse bannayuganda bonna ne kkooti.

Jolly Tumuhirwe 22 y’alabikira mu katambi nga akuba wamu n’okusottasotta omwana ono oluvanyuma lw’okumukaka okulya.