Amawulire

Ongwen bamukwasizza aba UPDF

W’owulirira bino  nga abakungu ba gavumenti ya Amerika bali mu kukwaasa  magye ga UPDF ag’omukago gwa  Africa  omu ku baduumizi b’abayeekera ba LRA  Dominic Ongwen .

Omukolo guli mu ggwanga lya Central African Republic  nga eno Ongwen  abayekera ba Seleka gyebamukwasiza aba Amerika oluvanyuma lw’okwewaayo.

Omwogezi w’ekitebe kya Amerika kuno  Daniel Travis akakasizza kino era n’atendereza nnyo enkolagana ennungi wakati wa gavumenti ya Amerika ne Uganda okulwanyisa abayeekera ba LRA.

Travis ategezezza nga ekituukiddwako bwekili ekikulu ennyo ku by’okwerinda by’ekitundu kino oluvanyuma lw’okukwata omu ku bayeekera ow’omutawaana.

Ategezezza nga buli omu bw’ayagala okulaba nga obwenkanya bufunibwa ku bantu abaddizibwako ebikolobero okuva eri omuyeekera ono.

Gyebuvuddeko  Omwogezi w’amagye g’eggwanga Lt.Col Paddy Ankunda y’ategezezza nga Ongwen bweyetaagibwa kkooti y’ensi yonna okusoyebwa kajiojijiji w’ebibuuzo ku ttemu ly’azze akola.