Abasawo e Mulago bamaze okusalako okugulu kw’omutembeyi eyatomeddwa emotoka akawungezi k’eggulo ng’abasirikale ba KCCA bamugoba olw’okukolera ku luguudo.
Shamim Namakula aweza egy’obukulu 42 nga mutuuze we Kibuye ,yakoneddwa ku luguudo lwa Nakivubo gy’akolera .
Mu ngeri yeemu twogeddeko abamu ku basuubuzi bakola nabo wabula bonna beevuma enkola y’abasirikale ba KCCA engeri gyebabakwatamu era banno balajaanidde akulira ebyekikugu mu KCCA okutunula mu nsonga eno.
Yye amyuka omwogezi we Kitongole Kya KCCA Robert Kalumba aganye okubaako nekyayogera .
Bino webigyidde nga wakayita Sabbiiti mbale nga omugoba wa tulakita ya KCCA Patrick Mukwabi akoonye omwana n’amutta.
