Bya Michael Kakumirizi
Waliwo omusajja akyatendereza Katonda n’okutuusa kati oluvanyuma lw’ekimotoka kya Fuso okuyingirira emmotokaye nekigifunyafunya wabula n’avaamu nga mulamu.
Yahaya Ssekaggo abadde avuga Premio namba UAT 145D ki fuso ekibadde kyetisse ekimotoka ekisenda ettaka nekimutomera emmotokaye nekiginyigira ku kiloole ekibadde mu maaso.
Bino byonna bibadde Mengo nga onatera okutuuka ku Clock Tower kumpi ne Total abadde avuga kiloole kino kimulemeredde nayingirira owa Premio.
Olumaze okukola akabenje abadde avuga ki loole yemuludde n’adduka.
