Amawulire

Bannamawulire balemereddwa okulonda

Okulonda kw’omukulembeze w’ekibiina ky’abanamawulire mu gwanga ekya Uganda journalist association  kwongezeddwaayo.

Kiddiridde omu ku babadde beesimbyeewo okwemulugunya ku lukalala lw’abalonzi ng’agamba nti abasinga ssi bannamawulire

Mu ngeri yeemu wabaddewo n’okwemulugunya nti bannamawulire ab’olulango tebabadde ku lukalala lw’abalonzi

Oluvanyuma abeesimbyeewo bonna bakkiriziganyizza nti okulonda kuyimirire okutuusa ng’ensonga zino zikoleddwaako.

Mu kusooka wabaddewo okulwanagana ng’abamu bawakanya eky’obutalonda era okukkakkana nga poliisi egyeeyo omukka ogubalagala.

Abamu ku babadde beesimbyeewo kuliko, Simon Kaggwa Njala, Martin Busuulwa,Robert Kagolo, Apolot Florence ne Richard Kayiira