By Babra Anyait
Gavumenti ng’eyita mu minisitule evunanyizibwa ku Kikula n’okusitula Embeera z’abantu mu butongole ekwasizza abakulembeze b’ennono 15 motoka kapyata 30 zibayambeko okukunga abantu bebakulembera ku nteekateeka ez’okwejja mu bwavu.
Motoka zino kiwemmense obuwumbi bwa Uganda 15.
Mubebawadde motoka zino kuliko Omusinga wa Rwenzururu Charles Wesley Mumbere, Omukama wa Bunyoro- Gafabusa Solomon Iguru, Kyabazinga wa Busoga- William Wilberforce Gabula Nadiope IV gattako Kamuswaga wa Kooki- Constantine Apollo Ssansa Kabumbuli.
Abalala ye Paul Sande Emolot -Emorimori Papa Iteso, Oyo Nyimba Kabamba Igulu Rukidi IV- Omukamawa Tooro, Mwogezi Butamanya- Omukama wa Buruli, Jude Mike Mudoma- Umukuuka wa Inzu ya Masaba n’abalala.
Ng’ayogerera ku mukolo ogubakwasizza motoka ku kisaawe e Kololo, Minisita avunanyizibwa ku kikula n’okusitula embeera z’abantu Betty Amongi ategeezezza ng’obukulembeze bw’ennono bwebuliko etoffaali ddene bweriteeka ku nkulakulana y’eggwanga.
Agambye nti eky’okuwa abakulembeze b’ennono motoka kabonero akoongedde okulaga nti gavumenti malirivu okukuuma obuwangwa, obukutumbula n’okwagala okusitula embeera z’abakulembeze b’ennono.
