Amawulire

Natti zissiddwa ku Uganda lwa tteeka lya bisiyaga

Palamenti y’amawanga ga bulaaya esembye eky’okuteeka natti enkakali ku Uganda ne Nigeria lwakuyisa mateeka agawera ebisiyaga mu mawanga gano.

Ababaka abasinga obunji basazeewo okusibira amawanga gano ekikookolo nga bagamba nti baatyobola eddembe ly’obuntu ekitakirizibwa mu mateeka g’ensi yonna.

Bano baagala bonna abetaba mu  kuyisa etteeka lino bawerebwe obutaddamu kulinya kigere mu bulaaya.

Ye Kamissiona w’embalirira y’omukago ogugatta amawanga ga bulaaya   Janusz Lewandowski agamba bakyateseganya n’amawanga gano abiri gano okulaba nga gakyuusa mu mateeka gano olwo balabe eky’okuzaako.