Abasabaze abawera 39 basimatuse okufiira ku kabenje ka baasi mwebabadde batambulira bwekutte omuliro wali mu bitundu ebye Kampiringisa mu Mpigi Town Council kuluguudo oluva e Kampala-Masaka.
Omuliro guno kigambibwa nti gutandikidde mu buleeki zemotoka ez’emabega mu baasi ya kampuni Gateway ebadde edda e kabale.
Abasabaze bonna basobodde okutaasibwa dereva bwabalagidde okugyamuka amangu wabula emigugu gyabwe tegisobodde kutaasibwa.
Omu kubasimatuse akabenje atubuulidde nti ekizibu kibadde ku buleeki era dereva bwajkirabye nayimiriza baasi e Kampringisa nabalagira okufuluma.
Bino okubaawo nga wakayita ssabaiiti 2 omuntu agambibwa okuba omutujju bweyetulisizako boomu mu baasi ku luguudo lwe masaka era nayo yali edda Kabale.
