Bya Magembe Sabiti
Abaana 3 nga babadde bayizi ku ssomero lya Bukomero Junior school mu district ye Kiboga batomeddwa mmotooka nebafirawo.
Akabenje kano kagudde mu town council ye Bukomero mmotooka ekika kya Harrier namba UBD 455/N ebadde ewenyuka obuweewo ngeva e Kampala edda e Hoima bweremeredde omugoba waayo nesabala abaana bano, obutawona.
Omwogezi wa poliisi mu Wamala Region Nobert Ochom agambye nti abagenzi kuliko Ssentongo Moses owemyaka 13, Icolidi Ssesangu owemyaka 10 ne Lwanga Fred owe 13.
Ddereva we mmotoka ekoze akabenje kano Mukasa Paul police emugalidde ayambeko mu kunonyereza.
