Nga gavumenti yakamala okutondawo amasaza amalala 39, nate ababaka ba palamenti sekinoomu batandise okwekulumulula nga bagenda mu kakiiko ka palamenti aka gavumenti ez’ebitundu nabo okusaba amasaza agaabwe.
Mu kaseera kano ababaka musanvu beebakagenda mu kakiiko kano okusaba amasaza amalala, nga bagamba nti pulezidenti aludde nga abasuubiza, kale nga tebaagala kiwendo kino kibabuuke.
Wabula kino abamu ku babaka ba palamneti abatuula ku kakiiko kano bakiwakanyizza, nga bagamba nti kano kakodyo kakutondawo bifo birala mu palamenti.
Twogeddeko ne minisita mu gavumenti ey’ekisikirize akola ku gavumenti ez’ebintu Betty Nambooze, n’atutegeeza nti kano kakodyo ka kubba bululu emisana ttuku, songa kiyinza n’okuleetawo enjawukana mu mawanga
Mukaseera kano amasaza 10 gegakasabibwa
