Bya Ivan Ssenabulya
Ssentebe w’abagoba ba boda boda mu Mukono Central Division Moses Musasizi alaze obwenyamivu eri wofiisi ya ssabaminisita kungeri gyebagenda okuwandikamu abantu ab’okuweebwa emitwalo 10 ezokubayambako mu muggalo.
Musasizi agambye nti bandyagadde bewandiise kubanga bbo nga baBoda Boda beetegeera.
Kino agambye nti kisoboka okuyita mu bukulembeze bwa bboda Boda mu bitundu ebyenjawulo.
Munisipàali ye Mukono yeemu ku bitundu ebigenda okuganyula mu ntekateeka yobuyambi bwa gavumenti eri ba mufunampola abakosebwa mu muggalo.
Yye omuwandiisi ku bukulembeze bwa boda boda Mutebi Deo asabye gavumenti okulowooza kubagoba ba boda boda okusukka ku kibawa emmere eyokulya.
Agambye nti bangi balina abanja mu banka.