Bya Malik Fahad
Disitulikiti yé Sembabule tekyalina ddagala ligema ekitrwadde kya covid-19 wakati ngomuwendo gwa bakwatibwa ekirwadde kino gweyongera.
Okusinzira ku sentebe wa kakiiko ka disitulikiti akatekebwawo okulwanyisa ekirwadde kino Ramadhan Walugembe bafuna doozi ze ddagala 570 nga zezimu kuzakozesedwa okugema abantu doozi eyokubiri.
Ono anyonyodde nti mu kiseera kino balina abalwadde abali kundiri aba covid-19 74 wabula nga kati basazeewo kudamu kunyinyitiza bikwekweto eri abatagondera biragiro mu kwekuuma ekirwadde.
Ate ye sentebe wa disitulikiti yé Sembabule Patrick Nkalubo asabye abantu ba bulijjo okutandika okwambala mask 2 bakendeeze ku mikisa egyokufuna akawuka kano naddala nga bali mu bifo ebyomugoteko.
Asabye ne minisitule eye byobulamu okubongera doozi ze ddagala eligema ekirwadde kino basobole okugema abantu.
