Abakozi abatali basomesa mu matendekero agawaggulu, okuli Makerere, Mbabara ne MUBs e Nakawa bagaanye okudda ku mirimu okutuusa nga gavumenti emaze okubongeza emisaala.
Mu lukiiko wakati wa gavumenti n’abakulira abakozi bano, gavumenti yabadde esuubizza okwongera abakozi bano omusaala mu mwaka gw’ebyensimbi ogujja,kyokka abakozi bwebaatudde bonna olunaku olwaleero bino babigaanye.
Akulira abakozi bano Jackson Betihama agambye nti abakozi basazeewo obutadda ku mirimu okutuusa nga gavumenti ebongezza emisaala.
Betihama agambye nti abakozi ku ntendekero e Kyambogo nabo bakulangirira okusalawo kwaabwe.
