Bya Benjamin Jumbe ne Ruth Anderah
Abalamuzi abawulirirza omusango oguwakanya ekyokujja ekkomo ku myaka gyomukulembeze we gwanga abatudde ku kooti enkulu e Mbale balabudde abawaaba, bakomye okutobeka ebyobufuzi mu musango guno.
Bwabadde ayogerera mu lutuula lwa kooti olusoose, omumyuka wa ssbalamuzi Alfonse Owiny Dolo agambye nti omusanmgo guno gwa bwegendereza nnyo, kalenga tebagwana kuguzanyiramu.
Alabudde nti buli eyenonyeza ebibye bakumugoba kulwobulungi bwenjuuyi zonna.
Kati nomulamuzi Kenneth Kakuru awagidde kino, nagamba nti bbo bagenda kuwereza nokunula mu buli nsonga.
Abalamuzi bano 5 essaawa yonna basubirwa okuddamu okutuula akawungeezi kano, okuva mu luwummula.
Kooti essubirwa okulamula obanga, omukubiriza wa palamenti Rebecca Kadaga anayitibwa okwenyonyolako eri kooti.
Ate mungeri yeemu banamateeka babawaabi, abakulembeddwamu Lord Mayor wa Kampala Elias Lukwago basabye kooti abakungu 10 balabikeko mu kooti e Mbale okwenyonyolako.
Kati ngojjeeko Speaker wa Parliament Rebecca Kadagabagala nabalala okuli omuddumizi wamagye ge gwanga Gen. David Muhoozi, akulira akaozi ba gavumenti John Mitala, ababaka Moses Balyeku ne Margaret Muhanga nomuwandiisi we gwanika lye gwanga Keith Muhakanizi.
Abalala bebagala babaleete mu kooti kuliko omuddumiz wa poliisi mu Kampala nemiriraano Frank Mwesigwa omumyuka wa IGP Asuman Mugyenyikalaani wa palamenti Jane Kibirige ne Sergeant At Arms Ahmed Kagoye, atwala ebyokwerinda bya palamenti.
Wabula omumyuka wa ssabawowrereza wa gavumenti Mwesigwa Rukutana bino, abiwakanyizza nategeeza nti tewali bukakafu nti okuyita abantu bano kinabaako enegri gyekiyamba kooti.
Kati kooti erindiriddwa okusalawo ku kino.
