Bya Yahud Kitunzi
Abantu 2 bafiridde mu kabenje mu Kabuga ke Doko mu gombolola ye Bukasakya mu district ye Mbale ku mwasanjala agatta Mbale ku Tirinyi.
Omwogezi wa poliisi mu bitundu bya Elgon Robert Tukei ategezeza nti, baasi ya Kakise namba UAZ 940/R ebadde edda e Soroti okuva e Kampala etomedde pikipiki namba UER 095/H.
Akabenje akatadde ku mugoba wa baasi gwagamba nti abadde avuga ndiima.
Omugoba wa pikipiki nomwana owemyaka 6 bebafiriddewo mbulaga, atenga abantu abalala baddyusiddwa mu ddwaliro ekkulu e Mbale nga bali bubi, okufuna obujanjabi.
Abagenzi kuliko Bashiri Kiwanuka owemyaka 34, ngabadde mutuuze ku kyalo Bulangira mu district ye Kibuku atenga omwana ye Khasifa Namutosi omutuuze ku kyualo Kagumu era mu district yeemu.
