Bya Ivan Ssenabulya.
E Mukono abasumba b’abalokole bawakanyizza amateeka gavumenti geeyagala okubaga nga gano gegagenda okulambika amakanisa mu gwanga.
Minister akola ku by’okukwasisa empisa n’obuntu bulamu Fr Simon Lukodo gyebuvuddeko yategeeza nga government bwegenda okulungamya amakanisa , kino kikendeeze nekubasumba abafere ababba bannayuganda, songa nabuli musumba agwana abeere nobuyigirize bwa degree.
Kati Omusumba wa Hope Worship Center era akulira omukago gwa National Felliwship of Born again Fellowship mu Mukono central Division Stephen Kyamaggwa agamba nti amateeka ssi mabi naye betaaga okubebuzaako.
Ono agamba nti ssi kyabwenkanya okubasaba degree atenga ababaka ba parliament n’omukulembeze we gwanga babasaba ekisanyizo kya S6.
