Bya Sadat Mbogo
Abantu abettima balumbye ekyalo Lutunku mu ggombolola y’e Kawanda mu district ey’e Ssembabule nebatemaatema ente z’abatuuze nebazitta.
Omu ku bakoseddwa Joweria Nanfuka atubuulidde nti abantu bano baabalumbye mu kiro era obwedda ente zaabwe bazitemamu ebintu bisatu nebaleka awo.
Nanfuka agambye nti mu zimu ku nte ezitemeddwa kubaddeko n’ezamawako nga zibuzaayo akabanga katono zizaale.
Ekigendererwa ky’abakoze kino tekinnamanyika wabula nga police eriko abantu 4 beekutte bayambeko mu kunonyereza.
Abakwate kati bakuumibwa mu kaduukulu ka police y’e Ssembabule.
