Ab’enganda za Christopher Aine omu ku bakuumi b’eyesimbyewo ku bwa pulezident Amama Mbabazi bagumbye ku ggwanika e Mulago nga bagaala kumanya oba ddala omulambo gw’omuntu gwebaalabye ku mutimbagano
Bano bawerekeddwako poliisi nga era bakulembeddwamu omusawo wa gavumenti Dr. Moses Byaruhanga.
Wabula omwogezi wa poliisi mu ggwanga Fred Enanga agamba ebifananyi by’omulambo gwa Aine ebibadde ku mutimbagano gwa yintaneti bwebiri ebigattirire.
Yyo
minisitule y’ensonga z’omunda w’eggwanga etandise enteekateeka y’okuzuula oba ddala omulambo ogwalabiddwa ku mutimbagano gwe gwa Aine.
Bw’abadde alabiseeko mu maaso g’akakiiko ka palamenti akakola ku by’okwerinda, minisita Rose Akol ategezezza nga nabo nga minisitule bweberalkiridde olwa Aine okubulawo.
Wabula ategezezza nga bwebalina okusooka okuzuula oba ddala omulambo ogwogerwako gwegwa Aine era bazuule ekyamusse.
Ono okuvaayo bw’ati kiddiridde omubaka wa Kigulu south Milton Muwuuma okumuteeka ku ninga anyonyole ku nsonga eno.