Bya Nelson Wesonga
Ababaka ba palamenti bazikubyemu makiikakiika okwaka, eri akakiiko kebyempuliziganya mu gwanga aka Uganda Communications Commission, nga gyebigweredde nga bajjeewo ekiragiro ekyali kyawera bu caada bwa airtime obwokutakula.
Mu nsisinkano ebaddewo olwaleero, ababaka bakalambidde nti bu caada obwokutakula bugwana bugende mu maaso okutundibwa nga bwebongera okutumbula, enkola zokufuna airtime mu nkola eya Easyload nenkola endala.
Ensisinkano eno ebaddemu akulira akakiiko ka UCC Godfrey Mutabazi, spiika wa palamenti Rebecca Kadaga, nabemikutu gyamasimu. Mu kusooka minister webyempuliziganya Frank Tumwebaze, abadde agambye nti kyetaaga kusooka kukanya naba UCC.
