Bya Malikh Fahad
Poliisi e Kyotera eriko omukuumi gwegalidde, olwokutta muganzi we.
Anywar Kwiinto owa Tiger security group limited kigambibwa nti yakuba Jenifer Amonding amasasi agamutta, eyali akolera mu kitongole era ekikuumi ekya Ascar security group.
Kwinto abadde yekukumye, okuviira ddala wiiki ewedde, nga yadduka Kizungu e Masaka gyeyadiza omusango neyekweka e Kyotera.
Omukwate ekyamivirako okutta kabiite we tekinamanyika.
Okusinziira ku muddumizi wa poliisi e Kyotera Musa Kayongo batemezeddwako abatuuze mu kitundu era nebasitukiramu nebamuyoola.
Yye omwogezi wa poliisi mu ttundutundu lye Masaka, Lameck Kigozi agambye nti ono agenda akuggulwakao misango gya butemu.
Akakasizza nti ne mmundu eyakozesebwa amu butemu buno, basobodde okujifuna.
Ate poliisi e Kyotera ebakanye nomuyiggo ku bazigu, abalumbye akaduuka ka mobile money nebafera omukozi.
Josephine Namukasa nanyini kaduuka kano, kati ali mu maziga, oluvanyuma lwokumubbako obukadde 2.
Agamba nti abasajja babiri bamusabye asindike ensimbi obukadde 2, wabula bamuwadde ebicupuli.
Namukasa yewunyizza ate poliisi, okumutegeeza nti abasajja bano bali ku misango gya bubbi era bayigibwa.
Omuddumizi wa apoliisi e Kyotera Musa Kayongo akaksizza nti omuyiggo gutandise.
