Omuduumizi wa poliisi mu kampala n’emiriraano Andrew Felix Kaweesi alagidde abaddukanya ebibanda ebitunda emotoka mu kampala okukomya omuze gw’okukozesa bakayungiruzi , b’agamba nti badda kubaguzi nebabanyagako ensimbi zaabwe.
Kaweesi agamba nti emisango nkumu gyetuumye mu poliisi ez’enjawulo, ng’abaguzi bawawaabira bakayungirizi ababaguza emotoka , kyokka bwebamala nebadduka n’ensimbi , okukakkana nga bananyini bibanda bawambye motoka zino
Kaweesi alagidde abaduumizi ba poliisi bonna mu kibuga kampala , okukwata bakanyama bonna abeefudde banaggwano mu kuwamba emotoka z’abantu, songa nebanyini bibanda singa tebava muze guno bakukwatibwa.