Bya Musasi waffe
Waliwo ba generaali 3 mu gavumenti eyekiseera mu gwanga lya Sudan abelkulidde, waddenga okulekulira kwabwe kubadde tekunakirizibwa bakama baabwe.
Bano kuliko Lt Gen Omar Zain al-Abideen, Lt Gen Jalal al-Deen al-Sheikh ne Lt Gen Al-Tayeb Babakr.
Bano okulekulira kidiridde abetegesi bokwekalakaasa wansi wa Sudanese Professionals’ Association, okulangirira nokuyita abantu okweyiwa ku nkuugo buto, mu kwekalakaasa okugenda okukunkumula nemiti olwaleero.
Bano babadde babanja nti banamagye bano 3 balekulire, kubanga bebamu betaba mu kutulugunya abekalakaasi, okuviira ddala ku nkomerero yomwaka oguwedde.
Abekalakaasi waddenga basobola okusindikiriza gavumenti ya Omar al-Bashir, babanja nti nebanamagye abawamba gavumenti bagende, bagala gavumenti eyabantu babulijjo.
