Bya Prossy Kisakye,
Ebitongole byobwanakyewa, bitongozza kawefube gwebatuumye‘‘Power to Youth’’ alubiridde okutumbula amaloboozi gabavubuka nensonga zaabwe ziwulirwe.
Entekateeka eno egenda kukulungula emyaka 5, ngebitongole 3 byebigiwomyemu omutwe, okuli Eastern Africa Sub-region Support Initiative for the Advancement of Women (EASSI), Men Engage Uganda naba Uganda Youth and Adolescents Health Forum.
Bwabadde ayogera ne bannamawulire mu kutongoza kawefube ono, Shillah Kawamara akulira ekitongole kya EASSI agambye nti okusinga balubiridde abaana abawala abali mu myaka gy’ekitiini, nga bagenda kutandikira mu disitulikiti ennondobemu 6 okuli Kampala, Busia, Bukwo, Isingiro, Mbale ne Kalangala.
Agambye nti balonzeemu disitulikiti zino kubanga zezsingamu abaana abawala abato ababuuka nembuto nga tebanetuuka, ebikolwa ebyokutulugunyizibwa, nokukomola abakyala.
