Poliisi eri mu kunonyereza ku bantu 2 abatiddwa bbomu ezaalekebwa mu ttaka ku kyalo Kamusenene mu disitulikiti ye Nakaseke.
Abagenzi bategerekese nga Dan Ssemakadde ne Simeo Mukwaya Kabaya sso nga waliwo omulala alumiziddwa ategerekese nga Abdul Kasakya,omutuuze mu disitulikiti ye Kayunga.
Omwogezi wa poliisi mu bitundu bya Savanah Lameck Kigozi agamba bbomu zino zandiba nga zalekebwayo mu lutalo nga era zibwatuse abagenzi bwebazikoonyeko nga bookya amanda.
Kigozi agamba bakyalinda abakugu ku bya bbomu okuva mu ggye lya UPDF okwetegereza ebadde bbomu kika ki.