Bya Moses Ndaye ne Damali Mukhaye,
Wofiisi ya Supreme Mufti ku kasozi e Kibuli, basabye gavumenti erongoose ebyokwerinda nobutebnkevu mu kisanja kino ekipya.
Obubaka buno busomeddwa Muhamood Kibate mu kusaala Eid amakya ga leero.
Ayogedde ku kitta abanatu ekibaddewo mu kaseera akayise, nga kikolebwa aba LDU nebiralala era nasaba nti ensonga y’obukuumi eri abantu gavumenti esaanye egiteeke ku mwanjo.
Ku muzikiti e Kibuli Haji Muhammad Kiguddu, omusomesa ku ttendekero e Makerere yakulembeddemu okubuliira.
Asabye abakiriza okusigala nga bakola obulungi nga bwebabadde bakola mu mu mwezi omutukuvu.
Ngekisiibo kifundikirwa, abasabye okwewala okukola ebikyamu ebikontana ne Alaha ebiyinza okwonoona okusiiba kwabwe.
Ate Akulira absiraamu aba-Tabliq, Sheikh Mohammad Yunus Kamoga, asabye omukulembeze we’gwanga Yoweri K. Museveni okuluma ogwengulu alanwayise obuli bwneguzi mu kisanja kino ekipya.
Agambye nti obuli bwenguzi bwebusinze okukumira abantu mu bwavu nebataganyulwa nemu buwereza bwayo.
Amir Kamoga bino abyogeredde mu kusaala Eid ku Nakivubo Blue P/S mu Kampala.
Asabye gavumenti nti mu kawefube wokulwanyisa enguzi, nabanatu abawa abasirikale ku nguudo ekyojamumiro basaanye okubonerezebwa.
Mu biralala, asabye omukulembeze w’egwanga atunuliire nabasiraamu, abalonde mu bifo ebyenkizo mu kisanja kino.
