Bya Ritah Kemigisa ne Kyeyune Moses
Gavumenti eragidde ministry yebyemnsimbi okufulumya obuwumbi 32 mungeri eyamangu okuddukirira abantu abakoseddwa okubumbulukuka kwe ttaka mu district ye Bududa.
Bwabadde ayogera ne banamwulire ku media centre, mu Kampala Minister owebibamba nebigwa tebiraze Musa Ecweru agambye nti ensimbi zino bakuzifulumya mu bitundutundu.
Agambye nti bagenda kusengula abantu 6300 okubajja e Bukalasi okubatwala ku ttaka lya gavumenti e Bulambuli ngomugatte abantu omutwalo 1 bebajja okusengulwa mu mwaka gwebyensimbi ogujja.
Ecweru agambye nti buli maka gakuweebwa ettaka hectare 2 nekitundu, mwebayinza okuzimba eenyumba eyebisenge 2.
Agambye nti buli maka gakuweebwa eminywe gyamabaati 30, ensawo za sementi 60, bulooka emitwalo 2, buliti nbiralala ebikozesebwa mu bulamu obwa bulijjo.
Amaka agasoba mu 900 bebakoseddwa oluvanyuma lwenjega eyaliwo ku Lowkuna lwa wiiki ewedde, nga nemiwendo gyabantu abakafa gyalinye wetwogerera bali 43.
