Bya Ivan Ssenabulya
Abakugu mu byokubudabuda, okweyongera kwabantu abejja mu bulamu wano mu Uganda bakitadde ku mbeera yebyenfuna embi nokusomozebwa okulala mu bulamu.
Abantu bangi abetta, abamu nebatamanyibwako okusinziira ku bibalo okuva mu kibiina kyebyobulamu ekye nsi yonna ekya, World Health Organization.
Ebibalo biraga nti abantu emitwalo 80 mu nsi yonna bebetta buli mwaka, nga kitegeeza nti buli busekonda 40 wabaawo omuntu eyetta.
Okusinziira ku WHO, Ugandaeri mu kifo kya 17 ku mawanga 19 agasinga okubaaamu abantu abejja mu budde.
Ekikyasembeyo ye musajja mukulu Amos Kibi ngono akyalwanagana nobulamu bwe mu ddwaliro ekkulu e Mulago, ngono yekomerera omusumaali ogwa yinchi 6 mu mutwe, ngagamba nti abantu be bamulekawo teri amaufaako.
Bwabadde ayogerako ne Dembe FM, Edward Ssozi omubudabuzi okuva ku Catholic Men’s Guild mu bulabirizi bwa Kampala asabye abantu okufaayo, okwogera ku bizbu byabwe eri abantu abalala nokunoonya abakugu mu kubudabuda.
Ategezezza nti, kisoboka nokuddukira mu bakulembeze benzikiriza, abaklembeze ku byalo okubayamba mu kifo kyokwetta.
