Bya Sadat Mbogo
Laddu ekubye netta ebisolo okubadde ente 2 n’endiga 1 ku kyalo Mpanga mu ggombolola ye Bulo mu district y’e Butambala.
Ebisolo bino bibadde bya mutuuze Sulaiman Kawooya, nga bibadde bisula bweru laddu gyebisanze mu nkuba ekedde okutonnya.
Mungeri yeemu, laddu ekubye namukadde Yoseri Muwanga omutuuze ku kyalo Bukiina mu gombolola y’e Buwama mu district y’e Mpigi, nga wetwogerera atwaliddwa mu ddwaliro nga ajanjabibwa.
Okusinziira ku banne, laddu emukubye alembeka mazzi, nga wano abeerawo bw’omu.
