Bya Ruth Anderah
Omukazi owemyaka 21 eyavunaniddwa okuvuma omukulembeze we gwanga noluvanyuma nasindikibwa ku alimanda e Luzira, nolwaleero alabiseeko mu kooti ya Buganda Road, wabula tebamuwadde kweyimirirwa.
Kino kivudde ku poliisi etawaddeyo file ya Susan Namata eri kooti omuwaabi wa gavumenti Miriam Njuki okwanukula ku kusaba kwe okwokweyimirirwa.
Wano omulamuzi Stellah Maris wasinzidde omuvunanwa namuzaayo ku alimnda e Luzira, nomusango negwongezebwayo okutukira ddala nga 20th November.
Namata omutuuze we Najeera mu munispaali ye Kiira mu district ye Wakiso avunanibwa emisango 2, okukozesa obubi ebyuma bi kalimagezi nokuvvoola omukulembeze we gwanga, emisango gyegaanye.
Oludda oluwaabi lugamba nti ono ne banne abalala mu August womwaka guno mu Kampala ne Wakiso mu bwegugungo obwali bubanja okuyimbula omubaka wa Kyandondo East, Robert Kyagulanyi Ssentamu bakwata akatambi nebavuma omukulembeze we gwanga.
