Omu ku bakiikirira amagye ga UPDF mu palamenti Maj. Gen Julius Oketta awolerezza omukulembeze w’eggwanga Yoweri Museveni ku bamukolokota nti aludde mu buyinza.
Oketta agamba pulezidenti Museveni akyetegereza engeri gy’agenda okuwaayo obuyinza eri omujiji omuto.
Nga ayogerako eri ba kaada abasoba mu 500 ku ssomero lya Pabbo Secondary School mu disitulikiti ye Amuru, Gen Oketta ategezezza nga abakadde bwebatasanye kuggya muzeeyi ku kigendererwa kino.
Oketa agamba pulezidenti agezaako kusembeza bamusaayi muto ku bukulembeze n’awa eky’okulabirako ekya ssabawandiisi w’ekibiina omupya Justin Lumumba n’omumyukawe Richard Todwong .
Oketa okwogera bino nga emiranga gy’abaagala Museveni okuva mu buyinza gyeyongedde.
