Bya Moses Ndaye, Ritah Kemigisa, Shamim Nateebwa
Gavumenti yakusasanya obuwumbi 57 okusindika ba crime preventers naba LDU, mu migotteko gyekibuga okukuuma obutebenkevu.
Kino wekijidde ngomukulembeze we gwanga Yoweri K. Museveni yalagidde aba LDU emitwalo 2 mu 4000 bakomezebwewo mu Kampala ne Wakiso.
Bwabadde ayogerako eri egwanga akawungeezi akayise, Museveni agambye nti aba LDU bano bakuweebwa emigemera wala okuyambako okutuusa lwebanateeka zzi camaera okubuna ekibuga kyonna nenguudo enenne.
Okusinziira ku Museveni kino kyakanyiziddwako akakaiiko kebyokwerinda mu gwanga oluvanyuma lwokutemulwa kweyali omuddumizi wa poliisi mu district ye Buyende Muhammad Kirumira.
Omugenzi yakubiddwa amasasi ne mulirwana we Nalinya Resty e Bulenga ku Lwomukaaga mu gandaalo lya Sabiiti.
Kinajjukirwa nti ba Crime preventer baletebwa ku mulembe gwa Gen Kale Kayihur.a
Mungeri yeemu President Museveni ayambalidde ebibiina byobwanakyewa, byagamba nti abazungu babayisaamu ensimbi okuvujirira abantu okwegugunga.
Agambye nti ebibiina byobwanakyewa bisinga kukwenyakwenya bavubuka abatalina mirimu nga babawa ssente okwegugunga mu kibuga.
Wabula wiiki ewedde ebibiina byobwanakyewa ebyenjawulo, bwebyali bisisinkanye wano mu Kampala, byasambajja ebigambo byomukulembeze we gwanga.
Alabudde nti abazungu batekeddwa okukomya okweyingiza mu bukulembeze bwa wano.
Wano era Museveni alabudde nti abamawulire bagwana bakomye okuwaniika obubi ku gavumenti.
Ekitebbe kyobusiraamu ekya Uganda Muslim Supreme Council-ku kasozi Kampala mukadde, bategese okusaba okwenjawulo okwa eyali omuddumizi wa poliisi e Buyende, omugemnzi kati Muahmad Kirumira olwaleero.
Bwabadde ayogerera mu kuziika omugenzi, ku muzikiti gwa Gaddaffi Mufti wa Uganda, Sheikh Shaban Ramadan Mubaje, agambye nti abaddenga alaba obubaka bwa Kirumira social media kalenga yafudde olwokwogera amazima.
Agambye nti kati bakumusabira ku Lwokutaano lwa wiiki eno, mu mizikiti ejenjawulo, Mungu ayambe abamusse bakwatibwe okuvunanwa mu bwenkanya.
ate omukyala eyatemuddwa nomusirikale Muhammad Kirumira agenda kuzikibwa olwaleero.
Resty Nalinya owemyaka 26 abadde mukozi ku mobile money mu Musoke zone e Bulenga mu district ye Wakiso.
Okusinziira ku batuuze Nalinya abadde mukyala mubalagavu atenga mukwano gwabangi mu kitundu.
Okusinziira ku mukwano gwe Joan Nakato, Nalinya agenda kuzikibwa ku bijja byabjaabe e Mpenja, mu districtye Wakiso.
Yye omugenzi Kirumira yazikiddwa olunnaku lwe ggulo e Mbampire mu district ye Mpigi.
bbo Bann-Uganda basabiddwa okubeera obumu okusobola okulwnayisa obumenyi bwamateeka ngobutemu obuliwo.
Okusinziira ku minister webyamawulire nebyuma bi kalimagezi Frank Tumwebaze, okutemulwa kwa Muhammed ssi kintu kippya eri bana-Uganda kubanga waliwo nabatujju lwebateeka egwnaga ku maggwa, naye nebabawangula.
Tumwebaze agambye nti obutemu bwomukibuga buli mu buli nsi, ssi mu Uganda mwokka.
Kati asabye abantu okubeera obumu ate babeera bakakamu, baleke poliisi ekole emirimu gyayo.
