Bya Magembe Sabiiti
Abatuuze mu gombolola ye Kakabala mu district ye Kyegegwa balajanidde police ebatase ku babbi be bisolo abayitiridde mu kitundu kino.
Bano babba ebisolo omuli embuzi, ente n’enkoko nga bibbibwa buli kiro.
Ssentebe we gombolola ye Kakabala Lwakyaka Kasibante ategezeezza nga bwebaliko ababbi 2 bebakute mu kiro ekikesezza olwaleero, nga batwala embuzi nenkoko byebabadde bava okubba ku kyalo Kikyondo.
Kati abatuuze mu magombolola okuli Kakabala, Kyegegwa town-council, Kasule Happuyo nawalala bategezeezza ngebisolo byabwe bingi bwebizze bibbibwa nga nabamu bandiva ku by’okulunda kuba baweddemu amanyi.
