Bya Benjamin Jumbe
Akulira oludda oluvuganya gavumenti mu palamenti, Betty Aol Ocan awakanyizza ebigambibwa nti tebagoberedde mitendera gyokuwa abantu obyambi abali mu bwetaavu.
Bino webijidde nga ssentebbe wakaiiko akaulemberamu okuddukirira abantu be Bududa Wilson Watila yagaanye aba FDC okugenda mu gombolola ye Bukalasi ne Bubiita nti tebagoberedde mitendera.
Poliisi yabageenye okugenda ku kiragiro kya ssentebbe wakakiiko kano, bweyategezezza nti tebagala nsoga zino okuzitekamu ebyobufuzi.
Kati bwabadde ayogerako naffe, Betty Ochan avumiridde kikolwa kino wabula nasaba abakulu bano, bakole emirimu gyabwe mu bwesimbu ate bakirize nababanakuwalirako.
Aba FDC babadde bakulembeddwamu presidenti wekibiina Patric Amuriat, Betty Aol Ochan, omubaka wa Kawempe South Mubarak Munyagwa nabalala.
Ate abakulembeze abalonde mu district ye Bulambuli bakusisnkana ssabaminista we gwanga Dr Ruhakana Rugunda wiiki eno, okubaako byekanyako.
Kino kibikuddwa omubaka omukyala owa district ye Bulambuli Alex Burundo Mungoma, oluvanyuma lwokwemulugunya okwaleteddwa, gavumenti bweyalangiridde entekateeka eokusengula abantu be Buduuda abakosebwa okubumbulukuka kwe ttaka.
Burundo waddenga tatubuliidde bisingawo, agambye nti bakusisinkana ku Lowkuna lwa wiiki eno.
Eno abantu abenjawulo bakayanira ettaka gavumenti lyeyagala okugula, nga buli omu agamba nti yaliririnako obwa nanyini.
